Urkunde
Ritter Philipp Boisze von Waldeck und sein Sohn Johann Boisze bekennen,
die Echternacher Leute auf dem Hunsrück um Waldeck in den hier genannten
neun Orten zu Lehen empfangen und dafür dem Abt von Echternach den
Gefolgseid geleistet zu haben.
1419, November 18.
Ich Philippe Boisze von Waldeck, ritter, und Johan Boisze von
Waldeck der junge, myn son, erkennen in dieezem offenen brieve,
dat wir zu lehen intphangen han von dem eirwirdigen in Goode und
geistlichen hern Peter von Hubyn, von Goicz gnaden abt zu Echternachen,
sulche lude und lehen as von yme und aine goiczhussz zu
lehen rorent und waneffsch sint uff deme Honczrucke umb Waldecke
und da umb; mit namen: Dorwilre, Seffeniche, Beltheym, Mannenboiche,
Soberezhusen, Dommershuszen, Yberszhszen, Marcken, Luctze. Diesre
vurg(enanten) lude und lehen han wir intphangen van dem obegena(nten)
unserem lieben hern deme apt und sime goiczhush und han yme gelobde
und hulde gedaen as eyn man aime hern. Und dieszer dinge zu urkonde
so han ich Philippe Boisz vurg(enant) mynden ingesigel an diesren
brieff gehangen, und umb dat ich Johan Boisz der junge vurg(enant)
nit aigenen incesigel in han, so han ich gebeden den eirbern Johan
von Lyszer, zur zijt amptman zu Welspiche, dat er sinen ingesigel
vur mich bij myns vader sigel an dieszen brieff wille hangen zu
geczuge dieszer vurg(enanten) sachen, des ich Johan von Lyser
vurg(enant) bekennen gedaen han von beden wegen des vurg(enanten)
Johans Boiszen von Waldeck des jungen.
Geben im jair unsers Hern as man schriefft dusend virhondert und
XIX, uff sente Elstebetten avent.
Originalurkunde (Pergament) im luxemburgischen Regierungsarchif (A).
Vom zweiten Siegel allein einige Stückchen erübrigt. -Ein Doranalvermerk saec.15-1:
Feodum de hominibus uff dem Honserucke Philips Boesz. 1419.